फाल्गुनन्द गोल्डकपमा आज मच्छिन्द्र फुटबल क्लब र झापा ११ खेल्दै

७ पौष, २०८१

पाँचथर । पाँचथरमा जारी एघारौं फाल्गुनन्द गोल्ड कप फुटबल प्रतियोगितामा आज मच्छिन्द्र फुटबल क्लब र झापा ११ बिच प्रतिस्पर्धा हुँदैछ ।
शनिबार भएको खेलमा फिदिम माबिको खेलमौदान सम्पन्न खेलमा खर्साङ फुटबल क्लब भारत लाई टाइब्रेकरमा ५-४ ले पराजित गर्दै फिदिम स्र्पोटिङ क्लबले क्वाटरफाइनलको यात्रा तय गरेको हो ।
पुस १५ गते हुने फाइनल खेलको विजेताले नगद १० लाख ५ सय ५५ रुपैयाँ पाउने छ । उपबिजेताले ५ लाख पाँच सय ५५ रुपैँया पाँउनेछ । २०६५ सालमा सञ्चालन भएको १० औँ संस्करणको गोल्डकपको भन्दा यसपटक पुरस्कार राशि दोब्बर बनाइएको हो । आयोजकका अनुसार प्रतियोगितामा ९० लाख रुपैयाँ खर्च हुने अनुमान गरिएको छ ।

प्रतियोगिताको सर्वोकृष्ट खेलाडीले एक थान इभी स्कुटर प्राप्त गर्नेछन् । प्रत्येक खेलमा म्यान अफ दि म्याच हुने खेलाडीले नगद १० हजार पाउँदा सर्वाधिक गोलकर्ताले नगद १५ हजार पाउनेछ । यसैगरी, उत्कृष्ट रक्षक, प्रशिक्षक, फरवार्ड, मिडफिल्डर, गोलरक्षक र उदयमान खेलाडीले समान १० हजार प्राप्त गर्नेछन् ।