स्वतन्त्र विद्यार्थी युनियनको आयोजना निशुल्क 'रक्त समूह' परीक्षण

जीवन गाैतम
१० चैत, २०७९

पाँचथर बहुमुखी क्याम्पसमा स्वतन्त्र विद्यार्थी युनियनको आयोजना निशुल्क रक्त समूूह (ब्लड ग्रुप) परीक्षण सम्पन्न भएको छ ।
बिहीवार पाँचथर बहुमुखी क्याम्पसको नवगठित स्वतन्त्र विद्यार्थी युनियनको आयोजना र गंगा मेमोरियल समर्पित अस्पताल फिदिमको प्राविधिक सहयोगमा कार्यक्रम सम्पन्न भएको हो । कार्यक्रममा १ सय ४८ जनाको रगत परीक्षण गरिएको थियो । रगत परीक्षण पछि विद्यार्थीको रगत समूह पहिचान गरी अत्यावश्क अवस्था र आवश्यक परेको बेला रगतको उपलब्धतामा सहज हुने अध्यक्ष मुना नेपालीले बताइन ।

कार्यक्रम फिदिम न.पा का प्रमुख मित्र प्रसाद काफ्लेको आतिथ्य र स्वतन्त्र विद्यार्थी युनियनकी अध्यक्ष मुना नेपालीको अध्यक्षतामा सम्पन्न भएको थियो ।