BSC FM live


नेयमार : बार्सिलोना र पीएसजी सम्झौता ‘नजिक’


ब्राजिलियन सुपरस्टार नेयमारको ट्रान्सफरलाई लिएर मंगलबार फ्रान्सेली क्लब पेरिस सेन्ट जर्मेन (पीएसजी) र बार्सिलोनाबीच बसेको बैठक सकारात्मक रहेको बुझिएको छ ।

पीएसजीसँग बैठक बसेर बार्सिलोना फर्केपछि क्लबका प्रतिनिधि जाभिएर बोर्डासले संचारमाध्यमलाई सकारात्मक प्रगतिबारे जानकारी दिएका हुन् । उनले नेयमार अब क्याम्प नोउ फर्कने प्रक्रिया नजिक रहेको जानकारी दिए । बैठकमा बार्सिलोनाका लागि क्लबका प्रमुख कार्यकारी अधिकृत ओस्कार ग्राउ, प्राविधिक सचिव एरिक आबीडाल र खेलकुद निर्देशक बोर्डास रहेका थिए ।

नेयमार भने यसबेला आफ्ना परिवार र एजेन्ट आन्द्रे क्युरीसँग पेरिसमा नै रहेका छन् । बार्सिलोनाको प्रतिनिधि टोलीले नेयमारका पितासँग पनि छलफल गरेको बुझिएको छ । नेयमार आफैंले पनि पीएसजीका निर्देशक लिओनार्डोलाई आफू बार्सिलोना जान चाहेको प्रष्ट पारेका छन् । उनी दुई सिजन अघिमात्र बार्सिलोना छाडेर पेरिस आएका थिए ।

बोर्डासले सम्झौता नभएको जानकारी दिंदै छलफल भने सकारात्मक रहेको जानकारी दिएका हुन् । ‘अहिलेसम्म सम्झौता भएको छैन । अहिलेसम्म नभएको हो । हाम्रो छलफल निकै राम्रो रहयो र मलाई लाग्छ नेयमार अब छिट्टै क्याम्प नोउ आउने छन्,’ उनले भने । उनले पीएसजीसँग पूर्ण रकममा नै स्थायी ट्रान्सफरको विषयमा छलफल भएको पनि जानकारी दिए ।

हाम्रो टिम
बिग सोसियल कम्युनिकेशन प्रा. लि द्धारा सन्चालित
फिदिम टुडे अनलाइनका लागि
अध्यक्ष : सानुकाजी यथार्थ
प्रकाशक :- दिपक बाेहाेरा
प्रबन्धक :- सराेज शर्मा
प्रधान सम्पादक :- सुरमान तामाङ
सम्पादक :- गिरिराज बाँस्काेटा
हाम्रो बारेमा
बिग सोसियल कम्युनिकेशन प्रा. लि द्धारा सन्चालित फिदिम टुडे फिदिम पाँचथर नेपाल
सम्पर्क नंबर: +977 9852684015
इमेल ठेगाना : [email protected] [email protected]
सूचना विभाग दर्ता नं. :
सामाजिक सञ्जालमा हामी