BSC FM live


विहारको एक खेतमा भेटिएको अनौठो ढुंगा उल्कापिण्ड भएको आशंका


 

११ साउन ,- विहारको एउटा गाउँको धान खेतमा भेटिएको फुटबल आकारको एक ढुंगा उल्कापिण्ड भएको आशंका गरिएको छ । सीएनएनका अनुसार ढुंगालाई अहिले ‘विहार संग्राहलय’मा प्रदर्शनमा राखिएको छ । तर यसलाई तत्कालै श्रीकृष्ण साइन्स सेन्टरमा स्थान्तरण गरेर विज्ञमार्फत उल्कापिण्ड भए नभएको परीक्षण गराइने विहारका मुख्यमन्त्री नितिश कुमारले बताए ।

हेर्दा सामान्य ढुंगाजस्तो देखिए पनि उल्कापिण्ड थप भारी हुने गर्छ । यसको बाह्य भाग जलेको हुने तर पनि चहकिलो हुने गर्छ । र उल्कापिण्डको अर्को महत्वपूर्ण विशेषता यसमा चुम्बकीय गुण हुन्छ ।

‘अनुसन्धानदाताहरुमा उल्कापिण्डबारे ठूलो चाख छ । तिनको अध्ययनले हाम्रो सौर्य मण्डलको उत्पत्ति र विकासबारे थाहा पाउन सकिन्छ,’ नासाको मेटेरोएड कार्यालयको स्टेभन एहलर्टले भनिन् ।
नासाका अनुसार, उल्कापिण्ड शिशुग्रह अथवा पुछ«ेताराका टुक्रा हुन् र ती अन्तरीक्षमा सूर्यको वरिपरि घुमिरहेका हुन्छन् ।

जब ती पृथ्वीको गुरुत्वाकर्षणका कारण तानिएर पृथ्वीको वायुमण्डलमा आइपुग्छन् ती उल्का बन्छन् । अधिकांश उल्का वायुमण्डलमै जलेर नष्ट हुन्छन् तर पृथ्वीको सतहसम्म आइपुग्ने उल्कालाई उल्कापिण्ड भनिन्छ ।

बुधबार राती क्यानडाको आकासमा एक विशाल उल्का खसिरहदाँ आकासमा चन्द्रमाभन्दा बढी चहकिलो देखिएको थियो । त्यो उल्का पनि पृथ्वीको सतहमा आइपुगेको हुन सक्ने वैज्ञानिकहरुले अनुमान गरेका छन् ।

सन् २०१३ मा रुसको उरल्स क्षेत्र एउटा ठूलो उल्का पृथ्वीको सतहभन्दा केहीमाथि विस्फोट हुदाँ ठूलो क्षति भएको थियो । घना वस्तीको आकासमा भएको विस्फोटले ठूलो ध्वनी तरङ उत्पन्न गरेको थियो । त्यसले वरिपरिका कयैन घरका झ्यालढोकाको सिसामात्र फुटाएन १००० मानिसलाई घाइते बनाएको थियो ।

ratopati
 

हाम्रो टिम
बिग सोसियल कम्युनिकेशन प्रा. लि द्धारा सन्चालित
फिदिम टुडे अनलाइनका लागि
अध्यक्ष : सानुकाजी यथार्थ
प्रकाशक :- दिपक बाेहाेरा
प्रबन्धक :- सराेज शर्मा
प्रधान सम्पादक :- सुरमान तामाङ
सम्पादक :- गिरिराज बाँस्काेटा
हाम्रो बारेमा
बिग सोसियल कम्युनिकेशन प्रा. लि द्धारा सन्चालित फिदिम टुडे फिदिम पाँचथर नेपाल
सम्पर्क नंबर: +977 9852684015
इमेल ठेगाना : [email protected] [email protected]
सूचना विभाग दर्ता नं. :
सामाजिक सञ्जालमा हामी